Manchester City raportohet se ka rikthyer interesimin për sulmuesin e Real Madridit, Rodrygo Goes.

Sulmuesi brazilian ka qenë më herët në ‘radarin’ e kampionëve të Anglisë, ndërsa babai i tij kishte vizituar kampin stërvitor të City-t në fund të sezonit të kaluar, teksa lojtari po shqyrtonte të ardhmen e tij në “Santiago Bernabéu”.

Trajneri Pep Guardiola thuhet se është një admirues i madh i lojtarit, por planet e afatit kalimtar të City-t ndryshuan në prag të Botërorit të Klubeve.

Megjithatë, situata pritet të marrë një tjetër drejtim, pasi Savinho pritet te transferohet këë jave tek Tottenham.

Nëse City pranon shitjen e tij, Guardiola do të japë miratimin për të bërë një lëvizje të fuqishme për Rodrygo, duke tentuar ta sjellë brazilianin në Premier League para se të mbyllet tregu i kësaj verë./rtk